Kulda skapar tømmetrøbbel

Godt tips: Harald Nyland er renovasjonsansvarleg i Sunnfjord Miljøverk. Han tipsar om å legge papp i botnen av dunken for å unngå at innhaldet frys fast.

Mange kundar slit med at avfallet frys fast i botnen av dunken i den bitande kulda. Det skapar store utfordringar ved tømming.

– Dette er eit problem som går igjen kvart einaste år. Avfallet frys fast i botnen av dunken og abonnentane står igjen med halvtømte dunkar. I år er utfordringa endå større sidan vi også har innført sortering av matavfall, seier Harald Nyland, som er ansvarleg for renovasjon i Sunnfjord Miljøverk.

Etter at gradestokken sank til under frysepunktet har renovatørane gitt tilbakemeldingar på at dette er eit aukande problem. Heldigvis finst det tips som abonnentane kan prøve.

– Vi kan anbefale å legge ei avis, eggkartong, bark eller flis i botnen på dunken. Generelt er det lurt å la avfallet tørke mest mogleg før ein hiv det i avfallsposane. Om vinteren er dette ekstra viktig nettopp for å unngå at det skal fryse, påpeiker Nyland.

Manuell sortering

Han legg til at dette ikkje er ein optimal løysing og at heile renovasjonsbransjen ser etter betre løysingar på denne problemstillinga.

– Eggkartong og avispapir skal jo ikkje i matavfallet så dette medfører ekstra arbeid for operatørane våre på Einestølen. Det blir ein manuell jobb for å sortere ut det som ikkje høyrer heime. Hovudoppgåva vår er å få tømt dunkane til abonnentane og då må vi rett og slett ta oss tid til dette ekstraarbeidet, seier han.

HMS er førsteprioritet

Grunna helsemessige omsyn har ikkje renovatørane lov til å ta i innhaldet i dunkane. Dei kan heller ikkje sparke og slå i det, for då kan dei sprekke i kulda.

– Renovatørane våre gjer så godt dei kan. Vi ber om forståing for problemstillingane som vi presenterer her og håpar at tipsa kan hjelpe, seier Nyland.

Hugs fri ferdsel

Nyland påpeiker endå ein ting som er verdt å merke seg no gjennom vinteren.

– Vi ønsker å gje ei venleg påminning om at det er abonnentane sjølv som er ansvarleg for å måke snø og strø på private vegar. For at renovatørane våre skal få tømt dunken er det viktig med fri ferdsel, avsluttar han.

Er du vår nye leiar?

Vår daglege leiar takka ja til ny jobb før sommaren. No er vi på leit etter ein erstattar.

Sunnfjord Miljøverk er eit selskap som tilbyr løysingar verda treng, til glede og nytte for folk og lokalsamfunnet. For å klare det, treng vi ein samfunnsorientert, trygg og tydeleg leiar, som kan sikre kostnadseffektiv drift og vidareføre verksemda i tråd med vår strategi.

Vi ønskjer oss ein dagleg leiar med praktisk sans, god forretningsforståing og gode sosiale eigenskapar. Vidare ser vi etter ein relasjonsbyggjar med gode samarbeidsevner som kan motivere og inspirere medarbeidarar.  

Har du høgare utdanning og dokumentert leiarerfaring? Det likar vi. Erfaringa er gjerne frå stillingar som ligg i grensesnittet mellom offentleg og privat verksemd, då god rolleforståing vil vere viktig for å lykkast.

Gode kandidatar må ha evne og vilje til å utvikle både seg sjølv, medarbeidarane og bedrifta i eit lengre perspektiv. Vi ønskjer oss søkjarar med ein leiarstil som evner å nytte og utvikle kompetansen hos dei tilsette. Gode kommunikasjons- og samarbeidsevner overfor ulike partar både internt og eksternt er ein føresetnad.

Nærare opplysningar om stillinga blir gitt av Mercuri Urval v/ Gro Reinertsen tlf.97 55 90 58 eller Ole Petter Bratteberg tlf. 97 55 90 36.

Søknadsfrist: 20.11.23

All uformell kontakt med Mercuri Urval blir handsama konfidensielt, om ønskeleg også overfor oppdragsgivar.

Slett SUM-appen

Du vil ikkje få varsling om tømming av avfallet ditt før eit stykke ut i 2024.

– Dessverre er appen ute av drift og den kjem ikkje til å fungere igjen. Vi ber derfor om at kundane våre slettar den frå mobilane sine, seier Bodil Øvretveit, som er konstituert dagleg leiar i Sunnfjord Miljøverk.

 Det var to flinke ungdommar som laga appen i si tid. No har dei andre ting å drive med, og vi får derfor ikkje vidareutvikla appen.

– Vi veit at den har vore nyttig for mange for å hugse å sette fram dunken i ein travel kvardag. Appen fungerte godt lenge, men slutta å virke då vi innførte sortering for matavfall i januar i år.  

Betring i sikte

Den gode nyheita er at vi jobbar med både ny nettside og ein varslingsfunksjon for tømming av avfall.

– No i haust fekk vi endeleg ein kommunikasjonsrådgjevar hos oss. Ho jobbar med å få på plass akkurat dette. Vi skulle helst hatt alt klart for lenge sidan, men har venta på å få inn nokon i kommunikasjonsrolla for å drive prosjektet. Sidan vi er ein offentleg aktør tek det også tid med slike prosessar. Vi ber derfor folk om å smøre seg med tålmod, seie Øvretveit.

Last ned renovasjonskalendar

Mens vi ventar på ny funksjonell varslingsløysing, kan de legge inn påminnelse i kalendaren din på telefonen. Då vil tømminga legge seg inn i kalendaren din og varsle deg klokka 19. 00 dagen før tømming.

– Dette er ikkje ei optimal løysing, men det fungerer medan vi ventar på noko betre, seier Øvretveit.

Sjå framgangsmåte for å laste ned renovasjonskalendar

Appen vår fungerer ikkje

Du vil ikkje få varsling om tømming av avfallet ditt før eit stykke ut i 2024.

– Dessverre er appen ute av drift og kjem ikkje til å fungere igjen. Vi ber derfor om at kundane våre slettar den frå mobilane sine, seier Bodil Øvretveit, som er konstituert dagleg leiar i Sunnfjord Miljøverk.

 Det var to flinke ungdommar som laga appen i si tid. No har dei andre ting å drive med, og vi får derfor ikkje vidareutvikla appen.

– Vi veit at den har vore nyttig for mange for å hugse å sette fram dunken i ein travel kvardag. Appen fungerte godt lenge, men slutta å virke då vi innførte sortering for matavfall i januar i år.  

Betring i sikte

Den gode nyheita er at vi jobbar med både ny nettside og ein varslingsfunksjon for tømming av avfall.

– No i haust fekk vi endeleg ein kommunikasjonsrådgjevar hos oss. Ho jobbar med å få på plass akkurat dette. Vi skulle helst hatt alt klart for lenge sidan, men har venta på å få inn nokon i kommunikasjonsrolla for å drive prosjektet. Sidan vi er ein offentleg aktør tek det også tid med slike prosessar. Vi ber derfor folk om å smøre seg med tålmod, seie Øvretveit.

Last ned renovasjonskalendar

Mens vi ventar på ny funksjonell varslingsløysing, kan de legge inn påminnelse i kalendaren din på telefonen. Då vil tømminga legge seg inn i kalendaren din og varsle deg klokka 19. 00 dagen før tømming.

– Dette er ikkje ei optimal løysing, men det fungerer medan vi ventar på noko betre, seier Øvretveit.

Sjå framgangsmåte for å laste ned renovasjonskalendar

No startar vi utkøyring av nye plastsekkar

Frå måndag 9. oktober og utover skal vi levere plastsekkar heim til deg. Det einaste du må hugse på er å sette ut dunken din.

Tidlegare har vi delt ut på tømmedagen for plast og papir, men i år har vi med oss rullane på alle rutene. Altså legg vi plastrullar på både blå, grøn og svart dunk. Dette er for å gjere prosessen meir effektiv, og sikre at du skal få nye sekkar så fort som mogleg. (For ja, vi er seint ute, og det beklagar vi).

Hjelp! Eg er på haustferie

Då skal du senke skuldrane og kose deg i ferien. Dersom du ikkje er heime og kan sette ut dunken din, får du plastrullen levert i ei av dei påfølgande vekene. Du må berre hugse å sette ut dunken din på ein tømmedag i nærmaste framtid.

Det er også mogleg å hente ut ny rull med sekkar i lokala våre i Elvegården (3. etg) i Førde sentrum.

For deg som bur i Naustdal

I januar blei det innført fleksibel gebyrmodell på postnummer 6817. Det vil seie at du betaler for kor mange gonger du tømmer matavfall og restavfall. Med andre ord: dei som er flinke til å sortere, betalar mindre.

Dersom du ikkje har behov for å få tømt matavfallsdunken din eller restavfall dei kommande vekene, kan du sette fram papirdunken for å få nye plastsekkar. NB: papirdunken vert ikkje tømt.

Ingen ekstra kostnad

Alle husstandar i dekningsområdet vårt har plastrullar inkludert i årsgebyret sitt. Kor mange avhenger av kor stor dunk kvar enkelt har.

• 140 l papirdunk – 1 rull (12 sekkar)  

• 240 l papirdunk – 2 rullar (24 sekkar)

• 660 l papirdunk – 5 rullar (60 sekkar)

Merk deg at vi berre hentar plastsekkar som er utlevert av SUM. Dersom du har samla plast i ein anna sekk, må du flytte innhaldet over i ein SUM-sekk.

Rein plastemballasje er viktig

Mykje av plastemballasjen er rein nok når den er tom. Plast frå ein salamipakke treng du ikkje å skylje sjølv om den fortsatt er litt feittete. Ketsjupflasker, yoghurtbeger og liknande bør du skylje i kaldt vatn før du kastar den i returplasten. Miljøgevinsten forsvinn dersom alle brukar varmt vatn for å skylje vekk mat- og andre restar frå emballasjen. Ein god regel er at plasten bør vere rein nok til at den ikkje begynner å lukte vondt.

Les meir om gjenvinning av plastemballasje på sortere.no

Feilsortert batteri kan skape brann

Kvar einaste dag opplever avfalls- gjenvinningsbransjen tilløp til brann. Nesten 80 prosent av brannane på gjenvinningsanlegg med kjent årsak skuldast feilsorterte batteri (Norsk Industri). 

Dei fleste av oss er flinke til å sortere batteri. Heile 80 prosent av oss seie at vi gjer det. Det er veldig bra, samtidig er det forsatt fleire millionar batteri som blir kasta feil. Enten det er batteriet frå fjernkontrollen som blir kasta i restavfallet, eller det spelande bursdagskortet som blir kasta i papiret, utan å ta ut batteriet som har feira med sang. Då kan det oppstå brann heime hos deg sjølv, i renovasjonsbilen eller på gjenvinningsstasjonen.

Kva bør eg gjere?

Heime hos deg sjølv kan det vere lurt å ha ein fast plass der du samlar batteri. Det kan vere eit tomt syltetøyglass eller ein liten boks. Eit godt tips er å ha ein rull med teip ståande ved sidan av. For polane skal nemleg teipast, for å vere heilt trygg på at batteria ikkje skal ta fyr.

Kva gjer eg med brukte batteri?

Du kan levere inn brukte batteri alle plassar du får kjøpt batteri. Det er faktisk lovpålagt. Det er heilt gratis å levere inn brukte batteri.

Kva skjer med innleverte batteri?

Batteria blir frakta til sorteringsanlegg. Der blir dei kvalitetssikra og sortert etter korleis batteria er bygd opp. Når batteria er sortert, blir dei sendt med båt eller trailer til godkjente anlegg for batteri i Europa. Der hentar dei ut råstoff som plast, bly, rensa og behandla syre, sink, kadmium, nikkel og kobolt. Nokre av råstoffa er sjeldne og fins berre i svært avgrensa mengder. Mange av desse går inn i produksjonen av nye batteri, medan dei resterande råstoffa kan bli om til hagemøblar, pigment i malin eller metallegeringer.  

 Usikker på sortering? Sortere.no har svaret!

Tom for plastposar?

Alle har ein rull med tolv sekkar inkludert i abonnentet sitt. Desse blir plassert på dunken din ein gong i året.

Dersom du har behov for ein ekstra rull, kan du kjøpe det på gjenvinningsstasjonane våre eller på kontoret vårt i Elvetorget (3.etg).

Prisen for ny rull er 225 kroner.

Dersom du kjøper deg ein ekstra rull, vil du framleis få utlevert rullane som er inkludert i abonnentet ditt.

Du betalar ikkje ved henting av ekstra rull. Fakturaen vert sendt til den som står som eigar på eigedommen.

Bli med på Strandryddeuka 2023

Ingen kan gjere alt, men alle kan gjere litt. Bli med på nasjonal ryddedugnad 8. – 17. september.

Strandryddeuka er eit årleg arrangement i regi av Hold Norge Rent. Tanken er å ta i litt ekstra for å halde naturen vår fri for søppel. Vi heiar på initiativet, og stiller sjølvsagt med gratis sekkar å plukke i.

Slik gjer du:

• Hent sekkar på ein av miljøstasjonane våre eller på kontoret vårt i Elvetorget (3.etg), eller bruk ein gjennomsiktig plastsekk du har liggande heime.

• Rydd langs elv, fjord, strand, på tursti eller i bybilde

• Lever inn avfallet på ein av miljøstasjonane våre, eller i containeren som vi sett opp på Festplassen i Førde (fredag 15. september – søndag 17. september)

For mange har Strandryddeuka blitt ein artig tradisjon. Det er sosialt og givande på same tid, både for store og små. I 2022 bidrog heile 800 000 nordmenn til frivillig opprydding.

Meir praktisk informasjon finn du her